وقت الطفوله!! كتبت/بسمه عطيه

كتبت/بسمه عطيه
الفكره اننا مهما كنا
بنتوجع
فينا شىء مكسور ملوش
قطع غيار
سعات بتبقى الضحكه قالبة على الدموع
لون السواد كاتم على
اجدع نهار
هى السنين فاتت بتجرى ولا
انا
لسه صغير بس بان فيا
العجز
كنا عيال بس ده من كام
سنه
شكل الطابور طول الحصص
صوت الجرس
فجأه كبرنا والعيال مبقوش عيال
والطفل غير سكته
ساب ايد ابوه وعاش حياته
غير طريقه وخطوته
من يومها تاه وسط الزحام
والدنيا عجنت ضحكته
ازاى حياتنا إتسرسبت
عدت علينا مشوفنهاش
قوضة اللعب وإتكركبت
باقى اللعب ملعبتهاش
عشت اجمع فى اللعب
ضاع نص. وقتى فى التعب!!!
ويوم ما قلت خلاص هعيش
وقت الطفوله
مكفهااااااااش